Home विशेष वलेंटाईन डे के मर्म ह अधूरा रहि यदि आप मन ऐ जोड़ा...

वलेंटाईन डे के मर्म ह अधूरा रहि यदि आप मन ऐ जोड़ा के जज्बात ल जानों…

61
0
एक सामान्य पुरुष अऊ ट्रांसजेंटर महिला के अनोखा प्रेम कहानी

दुर्ग. जम्मो मनखे मन आज वैलेंटाईन डे म परेम अऊ मया के गोठ-बात करत हे। फेर आज हमन दुर्ग म रहवईया एक अईसन जोड़ा के परेम कहानी ल बतावत हन जेन ह आज परेम अऊ बिश्वास के प्रतीक बन गे हे। ऐ जोड़ा ह दूसर जोड़ा ले एकदम हट के हे जेमा पत्नी तो ट्रांसजेंडर हे फेर पति ह एक सामान्य पुरुष… हव सही कहत हन.. भले ऐ बिहाव आप अऊ हमर मन बर आश्चर्य के बात होगी फेर एखर मन बर अब ऐ ह सात जनम के परिपाटी बन गे हे।

आप मन ल बता देन कि सोनल अऊ अजय के मुलाकात 11 बछर पहिली कोलकाता में होए रिहिस। एखर बाद अजय ह समाज म सोनल ल सम्मान दिलाए के भरोसा देत एक संग रहे के फैसला कर लिन। एखर जानकारी अजय के परिवार वाला मन ल मिलिस त ओखर मन बर ऐ खबर ल पचा पाना आसान नई रिहिस। काबर कि एक ट्रांसजेंडर ल अपन घर के एकलौती बहू के रुप म कईसे स्वीकारे। अजय अपन परेम ल जिन्दा रखे बर खुद के परिवार ले डेढ़ साल जूझिस आखिर म परिवार वाला मन ओखर प्यार ल समझिस अऊ रायपुर के आर्यसमाज मंदिर म दूनों के बिहाव कर दिस।

एखर बाद अजय अपन परिवार ल बढ़ाए बर सम्बलपुर उड़ीसा ले 2 महीना के बच्ची ल गोद ले लिस, बच्ची के पालन पोषण करिस। बच्ची जेस्मिन ल बेहतर तालीम दे के मंशा ले एक निजी स्कुल में भर्ती करईस। दोनों के अब इच्छा हे एक लड़का गोद ले के ताकि एखर परिवार पूरा हो जाए।

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.