छत्तीसगढ़ म फेर मिले हे एक कोरोना पाजिटिव मरीज, ए जिला म बाढ़ के होइस एक्टिव मरीज 10

जय जोहार। छत्तीसगढ़ म कोरोना संक्रमित मरीज मन के संख्या ह थमे के नाम नई लेवत हे।  रायगढ़ म कोरोना के नवा मरीज मिले हे। जानकारी के मुताबिक संक्रमित मरीज ह महिला मजदूर हे, जेन ह हाल म दूसर प्रदेश ले लहुटे रहिस अऊ क्वारेंटाइन सेंटर म रखे गे हे। रायगढ़ एसपी संतोष कुमार सिंह के मुताबिक महिला ल लैलूंगा के मुकरेगा गांव म क्वारेंटाइन सेंटर म रहिस।

ए नवा संक्रमित मरीज के संख्या के संग रायगढ़ म कुल मरीज मन के संख्या ह बाढ़ के 10 हो गे हे। एखर पहिले आज दोपहर पांच नवा कोरोना पाजिटिव मरीज मिले रहिस। जेमा बिलासपुर, सरगुजा, बेमेतरा, गरियाबंद अऊ कोरिया ले एक-एक मरीज शामिल रहिस।