जय जोहार । (Raipur ) छत्तीसगढ़ राज्य हज कमेटी के चेयरमैन मोहम्मद असलम खान ह बताइन कि हज कमेटी ऑफ़ इंडिया भारत सरकार डहार ले हज 2023 बर ऑनलाइन आवेदन के प्रक्रिया 10 फरवरी ले सुरू हो गेहे । ऑनलाइन आवेदन अउ गाइडलाइन्स हज कमेटी ऑफ़ इंडिया की वेब साइट
www.hajcommittee.gov.in म उपलब्ध हे ।
राज्य हज कमेटी के चेयरमैन ह बताइन कि आज़मीने हज एप्प्स के माध्यम ले घलो आवेदन कर सकत हे । प्रदेस के हज यात्री ल मुफत ऑनलाइन आवेदन भरे के सुविधा बर पूरा प्रदेस म 44 चॉइस सेंटर राज्य हज कमेटी डहार ले निर्धारित करे गेहे । फॉर्म भरे के आखिरी तारीख 10 मार्च 2023 हे ।
वोहा सबो आवेदक ले आवदेन करने के पूर्व हज गाइडलाइन ल पढ़के सबो दिसा-निर्देस के पालन करे के अपील करे हे।। जादा जानकारी बर कार्यालय छत्तीसगढ़ राज्य हज कमेटी रायपुर के दूरभाष क्रमांक 0771-4266646 म संपर्क करे जा सकत हे ।
