अब राजस्व भरे बर ऑनलाइन करे हे व्यवस्था, अवकास के दिन म घलो खुलही साखा

जय जोहार…. रायपुर नगर निगम राजस्व विभाग ह करदाता नागरिक मन ल सुविधा बर संपत्तिकर समेत अन्य निगम कर के भुगतान ल ऑनलाइन करे हे। जेला mcraipur.in के माध्यम अऊ संबंधित जोन कार्यालय म जा के जमा करे जा सकत हे।

महापौर एजाज ढेबर अऊ आयुक्त सौरभ कुमार ह बताइस कि रायपुर नगर निगम के राजस्व विभाग ह निगम के सब्बो 70 वार्ड के रहवासी कर दाता नागरिक मन ल सुविधा बर नगर निगम के संपत्तिकर, समेकित कर, जलकर अऊ अन्य कर के भुगतान ल ऑनलाइन करे हे, जेला mcraipur.in के माध्यम ले जमा करे जा सकत हे। संबंधित जोन कार्यालय म जा के करदाता नागरिक मन ह अपन कर के भुगतान घलो कर सकत हे। सब्बो सनिच्चर, इतवार अऊ अन्य अवकास के दिन म राजस्व साखा ह खुले रही।