किसान सभा करिस पराली जलाए म किसान मन के ऊपर जुर्माना के विरोध

जय जोहार रायपुर…. छत्तीसगढ़ किसान सभा ह पराली जलाए म प्रशासन के तरफ ले किसान मन के ऊपर जुर्माना किए जाना के विरोध करे हे। सभा के अध्यक्ष संजय पराते अऊ महासचिव ऋषि गुप्ता ह कहिन कि प्रदेश म अब अधिकांश कटाई मशीन ले होवत हे अऊ उपयुक्त मशीन के अभाव म किसान मन के पास पराली जलाए के सिवा अऊ कोनो रास्ता नई बचत हे। राज्य सरकार ल गौठान मन म पराली दान करे के जेन विकल्प के बात करत हे, वो तब कारगार होही, जब गौठान तक पराली के ढुलाई के व्यवस्था ल पंचायत या सरकार करे।

किसान नेता मन ह कहिन कि प्रदेश गंभीर संकट ले गुजरत हे अऊ खेती-किसानी ह घाटा के सौदा बन के रह गे हे। प्रदेश के किसान मन के औसत कृषि आय लगभग 40 हजार रूपिया सालाना हे। अइसे म ए जुर्माना किसान मन ल बदहाली के ओर ज्यादा बढ़ाही।