सबो रजिस्ट्री कार्यालय ल राज्य सरकार ह दिस बंद करे के आदेश

जय जोहार रायपुर…. कोरोना संक्रमण के मद्देनजर राज्य के सबो रजिस्ट्री कार्यालय ल बंद करे के आदेश राज्य सरकार ह जारी कर दे हे। ए आफिस 23 मार्च ले 25 मार्च तक बंद रही। ए दौरान रजिस्ट्री ले संबंधित कोनो काम ए कार्यालय मन म नई होही। ए आदेश के बाद रजिस्ट्री के काम ल लेके लोग मन ल परेशानी उठाए बर पड़ सकत हे।

एखर पहिली सरकार ह स्कूल, कॉलेज, शापिंग मॉल, लाइब्रेरी अऊ सिनेमा घर ल बंद कराए रहिस। अब सबो रजिस्ट्री कार्यालय ल बंद कराए के आदेश जारी कर दे हे। बता देन कि 21 अऊ 22 मार्च के घलो राजधानी समेत पूरा छत्तीसगढ़ प्रदेश के दुकान मन ल बंद करा दे गे रहिस। संगेसंग आम लोग मन ले 22 मार्च के अपन घर म रहे बर के अपील करे जात हे।