अब प्रदेश के सबो तकनीकी शिक्षा ले जुड़े संस्थान म घलो 31 मार्च तक बंद रखे के आदेश जारी

जय जोहार रायपुर….  अब राज्य सरकार ह प्रदेश के सबो तकनीकी शिक्षा संस्थान मन ल घलो 31 मार्च तक बंद रखे जाए के आदेश जारी कर दे हे। काली देर शाम दिल्ली ले लहुटने के बाद मुख्यमंत्री भूपेश बघेल ह आपात बैठक बुलाए रहिस।

ए आपात बैठक के बाद राज्य सरकार ह स्कूल अऊ कालेज ल 31 मार्च तक बंद करे के ऐलान करिस। ऊहचे अब कोरोना वायरस ले संक्रमण के रोकथाम अऊ नियंत्रण ल लेके राज्य के सबो तकनीकी शिक्षा संस्थान ल 31 मार्च तक बंद किए जाना के आदेश जारी कर दे हे।

तकनीकी शिक्षा संस्थान मन म कौशल विकास, लाईवलीहुड कालेज परियोजना, छत्तीसगढ़ तकनीकी विश्वविद्यालय, इंजीनियरिंग कालेज, पालिटेक्निक कालेज, फार्मेसी संस्थान अऊ आर्किटेक्चर संस्थान शामिल हे।