रायपुर। प्रदेश के उच्च शिक्षा विभाग म खाली पद मन ल आउटसोर्सिंग के
माध्यम ले नइ भरे जाए. ये बात शिक्षामंत्री उमेश पटेल ह बजट सत्र के
दउरान सदन म कहिन. उमन विपक्ष के सवाल मन के जवाब देवत रहिन हे.
बता दन के सोमवार के जेसीसीजे के अध्यक्ष अमित जोगी ह मुख्यमंत्री भूपेश
बघेल ल पत्र लिखे रहिस हे. उमन ह राज्य ले आउटसोर्सिंग ल खत्म करे बर
बाहरी लोगन मन ल नउकरी नइ दे के मांग करे रहिस हे.
शिक्षामंत्री घलो चलिस उहीं म
मंगलवार के सदन म शिक्षा मंत्री उमेश पटेल के बात मन ल जे मन ह सुनिस,
उमन ल पहिली तो इही लगिस के उमन घलो अमित जोगी के ही भाखा बोलत हे. जबके
शिक्षा विभाग के कार्यशैली ल अगर सुधारना हे तो सबले पहिली उंखर शिक्षक
मन के गुणवत्ता ल सुधारना होही. अइसे म अगर बाहिर ले आवइया बढिया शिक्षक
मन ल राज्य म नौकरी नइ दे जाही त एखर ले शिक्षा के गुणवत्ता के ह्रास हो
सकत हे.. एखर ले होनहार मन के भविष्य खतरा म पड़ जाही…
चंद्राकर अउ शिवरतन ह घलो दागिस सवाल
एखर बाद अजय चंद्राकर अउ शिवरतन शर्मा ह कतको अउ सवाल मन ल उठाइस। दूनों
ही विधायक मन ल सत्ता पक्ष ल सदन म जमके घेरिन.
No Comment! Be the first one.