15 नवंबर ले शुरू होही धान खरीदी, समर्थन मूल्य 2500 रूपिया तय

रायपुर। राज्य सरकार ह 15 नवंबर ले धान खरीदी शुरू करही। धान के समर्थन मूल्य 2500 रूपिया तय करे गे हे। आज राजधानी रायपुर के सर्किट हाउस म मंत्रिमंडल उपसमित के बईठक होईस हे, जेमा ये निर्णय ले गिन हे।

बईठक के अध्यक्षता खाद्य मंत्री अमरजीत भगत ह करिस हे, जेमा कृषि मंत्री रविन्द्र चौबे, उच्च शिक्षा मंत्री उमेश पटेल, वन मंत्री मोहम्मद अकबर, शिक्षा मंत्री प्रेमसाय सिंह टेकाम मौजूद रहिन हे।

बईठक के बाद मंत्री मन ह मीडिया ले चर्चा करत बतईन कि धान खरीदी ल लेके रणनीति बनाए गिस हे। संगे-संग कई ठन अउ महत्वपूर्ण फैइसला घलो ले गिन हे। जेमा धान के 2500 रूपिया प्रति कूंटल समर्थन मूल्य तय करे हे अउ 85 लाख मीटरिक टन धान खरीदे के लक्ष्य हे। धान खरीदी ले लेके परिवहन, चावल निष्पादन तक अउ मक्का ल खरीदे बर घलो रणनीति बनाए गिस हे।