केशकाल म जेन किसान मन के पास टोकन, वो मन के धान ल खरीदे जाही

जय जोहार रायपुर….केशकाल म जेन किसान मन के पास टोकन हे, वो मन के धान ल खरीदे जाही। धान खरीदी ल करे बर मुख्यमंत्री भूपेश बघेल ह मुख्य सचिव आरपी मंडल ल निर्देश दिस हे।

मुख्यमंत्री के निर्देश के बाद अब 1500 किसान मन ल राहत मिलही, ये किसान मन अभी तक धान नई बेच पाए रहिस। सोमवार के 1500 किसान मन ले धान खरीदी के उम्मीद जताई जावत हे। केशकाल विधायक संत कुमार नेताम ले बातचीत के बाद मुख्यमंत्री ह ये निर्देश दिस हे। बतावत जात हे ये व्यवस्था सिर्फ केशकाल के किसान मन बर करे गे हे।

बता दन कि कांकेर जिला के केशकाल म 18 फरवरी के बारदाना मन के कमी के चलत किसान धान नई बेच पाए रहिस। धान ल बेचे बर दो दिन के समय रहने से बेचैन किसान मन के गुस्सा फूट पड़िस अऊ वो मन ह केशकाल म नेशनल हाईवे म चक्काजाम कर दे रहिस।