पैन कार्डधारक मन ल फेर मिले हे मऊका, आधार ले लिंकिंग के तारीख ह अब अवइया साल तक बाढ़ीस

जय जोहार…. केन्द्रीय वित्त मंत्रालय ह पैन कार्ड ल आधार ले लिंक करवाय के समय सीमा ल बढ़ा दे हे। मंत्रालय के ओर ले जारी अधिसूचना के मुताबिक अब 31 मार्च 2021 तक ए काम ल करे बर समय दे गे हे। एखर पहिली घलो कई बार ए तारीख ल बढ़ाय जा चुके हे। मंत्रालय ह कोरोना महामारी अऊ उन लोगन मन ल धियान म रखत हुये समय सीमा ल बढ़ा दे हे, जेन कोरोना सती ले अभी तक पैन कार्ड ल आधार कार्ड ले लिंक नई करवा पाय रिहिस।
बता देन कि पहिली ए सीमा ह 30 जून रिहिस अऊ अगर उस वक्त तक ए काम ल पूरा नई कर पातिस, त 10 हजार के जुर्माना घलो लग सकत रिहिस। पिछिले साल सितंबर म सुप्रीम कोर्ट ह केंद्र सरकार के आधार योजना ल संवैधानिक रूप ले वैध करार दे रिहिस।