जय जोहार। (mahasamund) संसदीय सचिव अउ विधायक विनोद सेवनलाल चंद्राकर ह ग्राम पंचायत पचरी म वामा डेयरी डहार ले आयोजित कार्यसाला के दीप प्रज्जवलित कर सुभांरभ करीन। ए दउरान वो हा सासन के योजना के लाभ उठाय के आह्वान करीन।
वामा डेयरी डहार ले आज ग्राम पंचायत पचरी म (mahasamund) जिला म गौपालन, दूध उत्पादन बढ़ाय अउ किसान मन के आर्थिक सुधार ल लेके एक ठीन कार्यसाला के आयोजन करे गीन। कारीकरम के मुख्य अतिथि संसदीय सचिव अउ विधायक विनोद सेवनलाल चंद्राकर रिहीन । अध्यक्षता ल जिला पंचायत उपाध्यक्ष लक्ष्मण पटेल ह करीन । अतिथि कलेक्टर नीलेश क्षीरसागर, एसपी विवेक शुक्ला, जिला पंचायत के सीईओ एस आलोक, जनपद पंचायत सीईओ निखत सुल्ताना, वामा डेयरी के एमडी प्रशांत धारीवाल, मोहित धारीवाल, कल्याण भद्रा, सरपंच हेमलता डडसेना, पवन डडसेना रिहीन ।
ए अवसर म (mahasamund) संसदीय सचिव अउ विधायक श्री चंद्राकर ह किहीन कि प्रदेस सरकार डहार ले गाय पालन ल आर्थिक रूप ले फायदेमंद बनाय बर गौधन न्याय योजना सुरु करे गेहे । ए योजना के उद्देश्य गाय पालन ल बढ़ावा दे के संग ओखर सुरक्षा अउ ओखर माध्यम ले पशुपालक ल आर्थिक रूप ले लाभ पहुंचाय के हे । वो हा किहीन किसान के आय बढ़ाय ल प्रदेस सरकार डहार ले हरसंभव परयास करे जात हे । किसान मन ल ए बछर हरेक क्विंटल ल 2640 रुपिया धान के समर्थन मूल्य मिलही । अवइया बछर किसान मन ल करीबन 2800 रुपिया मिले के संभावना हे । वो हा सासन के योजना के लाभ उठाके आर्थिक रूप से सक्षम बने के आव्हान करीन ।
ए अवसर म वामा डेयरी के एमडी प्रशांत धारीवाल, मोहित धारीवाल, सरिता डडसेना, उपदेश मारकंडे, देवकुमार चेलक, लखन टंडन, जनक डडसेना, मोहित घिरे, अर्चना मारकंडे, बेदराम जोशी, सरस्वती गिलहरे, बिंदिया डोरा, राजकुमार कुर्रे, हुमेश्वर साहू, देवेश डडसेना, रेवाराम कुर्रे, प्रीति भगत मौजूद रिहीन ।
