mahasamund : केंद्र सरकार के बेतहासा महंगाई के विरोध म कांग्रेस ह करीन धरना प्रदर्सन
जय जोहार। (mahasamund) केंद्र सरकार के बेतहासा महंगाई के विरोध म प्रदेस कांग्रेस कमेटी के आह्वान अउ महिला कांग्रेस कमेटी प्रदेस अध्यक्ष फूलो देवी नेताम के निर्देस म महासमुंद महिला कांग्रेस कमेटी डहार ले कांग्रेस भवन के समक्ष नेहरू चौक म धरना प्रदर्सन करे गीन। जेखर नेतृत्व ल जिला अध्यक्ष डॉ.रश्मि चंद्राकर अउ कांग्रेस कमेटी महिला सहर अध्यक्ष अन्नू चंद्राकर ह करीन । ए दउरान कांग्रेस कार्यकर्ता मन ह नरेंद्र मोदी के बीजेपी सरकार डहार ले जनता के ऊपर बेतहासा महंगाई के जेन बोझ बढ़ा देहे । ओखर विरोध म जमके नारेबाजी करीन।
ए अवसर म जिला अध्यक्ष डॉ.रश्मि चंद्राकर ह किहीन कि आज देश म चारो डहार महंगाई के हाहाकार हे । अच्छा दिन लाय के वादा करके प्रधानमंत्री नरेंद्र मोदी ह पूरा देस के जनता बर बुरा दिन ला दीन हे। 60 रुपिया के पेट्रोल 110 रुपिया अउ 40 रुपिया के डीजल ल 100 रुपिया, गैस के कीमत 350 रुपिया ले 1100 रुपिया ए 8 बछर म कर दे गेहे।
ए अवसर म डॉ.रश्मि चंद्राकर जिला अध्यक्ष, खिलावन बघेल अध्यक्ष शहर कांग्रेस कमेटी,संजय शर्मा प्रभारी महामंत्री, अन्नु चंद्राकर शहर अध्यक्ष महिला कांग्रेस, ब्रिजेन बंजारे सरपंच,सती साहू प्रदेश उपाध्यक्ष महिला कांग्रेस,निरंजना चंद्राकर,भूमिका ध्रुव,ममता चंद्राकर,दुर्गा ठाणेकर,प्रतिभा यदु,समीक्षा,लक्ष्मी सोनी,योजना सिंह,यमुना वर्मा,आरती महंती,दशोदा ध्रुव,शहर उपाध्यक्ष राजू साहू,प्रदीप चंद्राकर,सुनील चंद्राकर,चंद्रेश साहू,बीआर वर्मा,अजय भोई,अशोक चंद्राकर उपस्थित रिहिन।
