कई घंटा ले खड़े हे एक्सप्रेस ..यात्री मन म दहशत… वजह जानव

दन्तेवाड़ा : जिला के बचेली अउ भांसी के बीच पोल नम्बर 430 म विशाखपट्नम-किरन्दुल नाइट एक्सप्रेस ट्रेन ब्रेक डाउन होके  कई घंटा ले खड़े हे।  ट्रेन के खराब होए ले ट्रेन म सवार पैंसेजर परेसान हवय।

दरअसल इहीं जगह म सोमवार के कामालूर रेलवे स्टेशन म नक्सली मन ह पर्चा फेंक के 7 फरवरी के बीजापुर इलाका म होए मुठभेड़ ल फरजी बताय रहिस हे।  संगेच कांग्रेस सरकार  ल घलो बीजेपी के तरह दमनकारी ढर्रा म चले के आरोप लगाइन।

बताय जात हे, ट्रेन के ब्रेक पाइप लीक हो गे हे। जेखर सेती ए खराबी आईस हे। वइसे रेलवे के अमला सुधार कार्य म लगे हवय। अउ जल्द खराब पाइप बदल के ट्रेन सेवा बहाल कर ले जाही। लेकिन  कई घण्टा ले जंगल मन के बीच ट्रेन खड़े होए ले यात्री मन म नक्सली मन के  खउफ दिखाई देवत हे, जे जगा रेल खराब होय हे। वो धुर नक्सली इलाका हवय, जिहां अक्सर नक्सली उत्पात मचात रहिथे।