ये का गलती कर दीस मोतीलाल वोरा ह… पढ़व पूरा खबर ल

रायपुर। छत्तीसगढ़ के पूरव वित्तमंत्री रामचंद्र सिंहदेव के निधन म पूरा प्रदेस म शोक के लहर हे। येखर संग ही कांग्रेस नेता समेत अन्य दल मन के नेता मन घलो उंखर निधन म शोक व्यक्त करत हे। इही कड़ी म कांग्रेस ले छत्तीसगढ़ के बड़े नेता अउ राज्य सभा सदस्य मोतीलाल वोरा ह घलो उंखर निधन म एक पत्र के जरिये शोक व्यक्त करिन हे ।
लेकिन ये पत्र म उमन के द्वारा एक बहुत बड़ गलती कर दे गिस हे। मोतीलाल वोरा के लेटरपेड ले जारी ये पत्र म रामचंद्र सिंह देव के जगा म रामचंद सिंह जूदेव ल श्रद्धांजली दे डाले गिस हे। जानकारी म ये पत्र उंखर अधिकारिक लेटरपेड ले जारी करे गिस हे।
ये पूरा मामला म कांग्रेस के प्रदेश प्रवक्ता ले बात करे गिस त उमन ह कहिन के ये टायपिंग के गलती हे अउ शोक म ये तरह ले नइ होना चाही। गउरतलब हे कि छत्तीसगढ़ के पूरव वित्तमंत्री रहे रामचंद्र सिंहदेव के निधन हो गिस हे।