chhattisgarh: 18.43 लाख किसान मन ल राजीव गांधी किसान न्याय योजना के चौथा किस्त के भुगतान 21 मार्च के, पढ़व
जय जोहार…. (chhattisgarh) सीएम भूपेश बघेल ह 21 मार्च के 18 लाख 43 हजार किसान मन ल राजीव गांधी किसान न्याय योजना के चौथा किस्त के रूप म 104 करोड़ 27 लाख रुपया के भुगतान करही। ए योजना म अब तक किसान मन ल तीन किस्त म 4500 करोड़ रुपया के भुगतान करे जा चुके हे।
(Chhattisgarh) अइसने प्रमाणिक बीज उत्पादक 4777 किसान मन ल तीन किस्त म 23 करोड़ 62 लाख रुपया, गन्ना उत्पादक 34 हजार 292 किसान मन ल अतिरिक्त प्रोत्साहन अऊ आदान सहायता के रूप म 74 करोड़ 24 लाख रुपया के भुगतान करे जा चुके हे।
उल्लेखनीय हे कि पूर्व प्रधानमंत्री राजीव गांधी के पुण्यतिथि 21 मई के प्रदेश के प्रमुख फसल के उत्पादन अऊ उत्पादकता म वृद्ध करे के उद्देश्य ले किसान मन ल कृषि आदान सहायता राशि प्रदाय करे बर राजीव गांधी किसान न्याय योजना लागू करे गे हे। (chhattisgarh) योजना के अंतर्गत खरीफ मौसम म धान के संगेसंग 13 दूसर फसल मक्का, सोयाबीन, मूंगफली, तिल, अरहर, मूंग, उड़द, कुल्थी, रामतिल, कोदो, कुटकी, रागी अऊ रबी में गन्ना फसल ल सामिल करे गे हे।
