जय जोहार । (chhattisgarh ) सीएम भूपेश बघेल ह आज बस्तर जिला के बकावंड विकासखण्ड के ग्राम गिरोला म सिरहा, गुनिया, गायता, पुजारी, मांझी, बाजा-मोहरिया, आठ पहरिया, राजीव युवा मितान क्लब, गोठान समिति अउ पंचायती राज प्रतिनिधि डहार ले आयोजित आभार अउ सम्मान समारोह में सामिल होइन। वोहा समारोह म किहीन कि बस्तर बदलत हे। बस्तर म शांति अउ विकास के बयार बहत हे।
सीएम भूपेश बघेल ह किहीन कि पुलिस के जवान ह ग्रामीण के संग कन्धा ले कंधा मिलाके काम करत हे। बीते बछर म बस्तर म सबले कम हिंसा के घटना होए हे, एखर बर पुलिस के अधिकारी, जवान अउ बस्तर वासी मन ल बधाई। आज बस्तर के संस्कृति के चर्चा देस अउ दुनिया म फेर ले होवत हे ।
सीएम भूपेश बघेल ह बस्तर विकास प्राधिकरण के अध्यक्ष लखेश्वर बघेल के मांग म क्षेत्र के विकास बर कई घोसना करीन। वोहा बकावंड विकासखंड म ग्राम गिरौला ले बेतझरन तूताबेड़ा तक 2 किलोमीटर सड़क के डामरीकरण, बकावंड मुख्यालय विकासखंड मुख्यालय अउ बस्तर म 50-50 सीटर बालक अउ बालिका पोस्ट मैट्रिक छात्रावास के निर्माण, बकावंड शासकीय हायर सेकेंडरी स्कूल जैतगिरी के नवा शाला भवन के निर्माण, बजावंड उप स्वास्थ्य केंद्र के प्राथमिक स्वास्थ्य केंद्र म उन्नयन अउ प्राकृतिक पर्यटन स्थल बेतझरन, डुरकाबेड़ा अउ प्राकृतिक जलकुंड टोंगकोंगेरा के विस्तारीकरण अउ सौंदर्यीकरण के घोसना करीन।
