CM Bhupesh Baghel ह करीन बायोगैस ले संचालित विद्युत उत्पादन केन्द्र के अवलोकन

जय जोहार। सीएम भूपेश बघेल (CM Bhupesh Baghel) ह डोंगा घाट म बायोगैस के संचालित करे जवइया विद्युत उत्पादन केन्द्र के अवलोकन करीन। ए दौराण वोहा विद्युत उत्पादन केन्द्र के स्थापना बर उपयोग करे गे तकनीक के संबंध म घलो विस्तार ले जानकारी लीन। भाभा आण्विक अनुसंधान केन्द्र मुंबई डहार ले तईयार करे जावत विद्युत उत्पादन केन्द्र म हरेक दिन लगभग 500 किलो गोबर के आवश्यकता होत हे, जेखर ले लगभग 10 किलोवाट विद्युत के उत्पादन करे जा सकत हे। एखर ले 40 घर ल रोशन करे योग्य विद्युत के उत्पादन होही।

विद्युत उत्पादन बर उपयोग करे गे गोबर के उपयोग पुनः खाद के तौर म करे जा सकही । एखर क्षमता बढ़ाके अतिरिक्त बिजली ल ग्रिड सिस्टम के माध्यम ले विद्युत कंपनी ल बेचे जा सकता हे । मुख्यमंत्री ह जगदलपुर नगर निगम डहार ले स्थापित ए विद्युत संयंत्र के प्रसंसा करत हुए प्रदेस के अन्य स्थान म घलो विद्युत उत्पादन संयंत्र स्थापित करे के मंसा व्यक्त करीन ।

सहर म कचरा संग्रहण बर अब क्यू आर कोड तकनीक के उपयोग करे जाही। 25 जनवरी के मुख्यमंत्री भूपेश बघेल ह सहर के 6 ठीन वार्ड म एखर सुरुवात करीन । ए तकनीक म कचरा संग्रहण के काम के बेहतर निगरानी हो सकही । एखर संग सिकायत के समाधान के गुणवत्ता अउ बेरा म सुधार होही । मुख्यमंत्री ह ए योजना के सुभारंभ करत हुए सहर के स्वच्छता के दिसा म उठाए गे एक अच्छा कदम बताइन। मुख्यमंत्री ह इंहा गीला कचरा के निपटान बर स्थापित वेस्ट कंपोस्ट मशीन के अवलोकन घलो करीन ।