मुख्यमंत्री जी आप लोगो से मिलना चाहते है , फोन आइस अऊ सिनेमा संगठन के सदस्य मन पहुँच गे बँगला

जय जोहार रायपुर… कोरोना संकट म परेशानी ले जुझत सिनेमा जगत के लोगन मन मुख्यमंत्री ले मिले बर एक महीना पहिली आवेदन दे रिहिस , अचानक काली सी एम हाउस ले ओमन करा फोन आगे कि साहब आप मन ले मिलना चाहत हे , आनन फानन म सदस्य मन सी एम बँगला गिन अऊ उन्हा मुख्यमंत्री भूपेश बघेल ले मुलाक़ात करीन , मुलाक़ात के बाद सार्थक चर्चा होय के बात अध्यक्ष संतोष जैन ह किहिस ,

जैन ह यहू किहिस कि हमर तीन ठन मांग रिहिस जेन ल मुख्यमंत्री ह मान ले हे जेमा शूटिंग शुरू करे के अनुमति , ब्लाक अऊ तहसील स्तर म सिनेमाघर खोले के प्रक्रिया म सरलीकरन अऊ फिल्म कलाकार मन बर विशेष आर्थिक पैकेज के मांग शामिल हे ,

ये मुलाकात म अध्यक्ष संतोष जैन के संग निर्देशक सतीश जैन , निर्माता राकी दासवानी , निर्देशक मानोज वर्मा , वरिष्ठ रंगकर्मी योग मिश्रा घलो रिहिन , सोशल डिस्टेंसिंग के साथ ये मुलाक़ात कुछ ख़ास रिहिस काबर कि मुख्यमंत्री ह खुदे फिलिम लाइन ले जुड़े लोगन मन ले मिले के इच्छा जाहिर करिस .