भाजपा ल जनता के इच्छा अऊ भावना के आदर करना चाही – फूलो देवी नेताम

जय जोहार रायपुर… छत्तीसगढ़ के राज्य सभा सदस्य अऊ कांग्रेस नेत्री फूलो देवी नेताम ह कहे हे कि राजस्थान में चले वाला राजनितिक गतिविधि ले भाजपा के चेहरा उजागर होगे हे ,

ये उही भाजपा हे जेन ह जनता द्वारा चुने विधायक ल खरीदे के कोशिश करिस अऊ प्रवासी मजदूर मन ल ऊंखर घर आय बर किराया वसुलिस , आज भी राजस्थान म जनादेश के खिलाफत करत हे ,

फूलो ह किहिस कि केंद्र सरकार ह लोकतंत्र ल कुचले के कोशिश करत हे , लोकतान्त्रिक व्यवस्था म सरकार बदलत रहिथे , सरकार ल संविधान के रक्षा करना चाही अऊ संविधान के अनुसार कार्य करना चाही ,

लेकिन ये सरकार विपरीत कार्य करत हे , राजसभा सदस्य ह आगे किहिस कि जब देश ह एक महामारी ले जूझत हे अइसे में भाजपा के लोगन मन विधायक खरीदी बिक्री म लगे हे ये हास्यास्पद हे .