gariaband: नगर पालिका के जनप्रतिनिधि मन ह करिन मुख्यमंत्री भूपेश बघेल ले मुलाकात, विकास कार्य बर सौंपिन ज्ञापन

जय जोहार…. गरियाबन्द (gariaband) नगर पालिका के अध्यक्ष अब्दुल गफ्फार मेमन के नेतृत्व म नगर पालिका के जनप्रतिनिधि मन ह मुख्यमंत्री भूपेश बघेल ले ओखर निवास स्थान म मुलाकात करे हे।

ए दौरान जनप्रतिनिधि मन ह नगर के प्रमुख मांग अउ समस्या ले सीएम बघेल ल अवगत कराय हे। सीएम ल नपा अध्यक्ष ह बताइस कि नगर म मूलभुत सुविधा के अभाव हे।

पेयजल अउ बिजली के समस्या हे। नल जल योजना के तहत पाइपलाइन विस्तार के जरूरत हे, ताकि लोगन मन ल घर तक शुद्ध पेयजल उपलब्ध हो सके।
ए दौरान सीएम बघेल ह जनप्रतिनिधि मन के सब्बो मांग अउ समस्या के जल्द निराकरण के आश्वासन दे हे।

ऊहचे गरियाबन्द (gariaband) नपा जनप्रतिनिधि मन के तरफ ले कोरोना संक्रमण ल ले के मुख्यमंत्री सहायता कोष बर एक लाख रूपिया के चेक घलो सीएम ल सौंपे गिस।

ए दौरान गरियाबन्द (gariaband) नगर पालिका के उपाध्यक्ष सुरेंद्र सोनटेके, सभापति आसिफ मेमन, वंश गोपाल सिन्हा, गुलेश्वरी ठाकुर, विष्णु मरकाम, पदमा यादव, नीतू देवदास, पार्षद ऋतिक सिन्हा, संदीप सरकार, प्रतिभा पटेल, विमला साहू, देवा मरकाम, ज्योति साहनी, टिंकु ठाकुर, छगन यादव, रंजीत साहनी घलो मौजूद रिहिस।