Ambikapur: चेक पोस्ट म होही पुलिस के तैनाती, स्वास्थ्य मंत्री ह बइठक म दे हे ये निर्देश

जय जोहार…. अम्बिकापुर (Ambikapur) के कलेक्टोरेट सभाकक्ष म आज कोविड-19 के नियंत्रण बर पुलिस अउ स्वास्थ्य विभाग के समीक्षा बइठक होय हे। ए बइठक के अध्यक्षता ल स्वास्थ्य मंत्री टीएस सिंहदेव ह करिन।

ए अवसर म स्वास्थ्य मंत्री सिंहदेव ह वर्तमान स्थिति ल देखत हुये जिला (Ambikapur) के प्रवेश मार्ग म स्थित अन्तर जिला चेक पोस्ट ल पुन: सक्रिय कर पुलिस के तैनाती करे के निर्देश दे हे।

वो हा कहिन कि ए चेक पोस्ट म जिला म प्रवेश करइया यात्री मन के थर्मल स्कैनर ले जांच करे जाये अउ मास्क के अनिवार्यता म कड़ाई करे जाये। एखर संग गांव म घलो मुनादी कराएं कि मास्क नई पहनने म 100 रूपिया के जुर्माना ले जाही।
बइठक म ये घलो निर्णय ल ले गिस कि नगर निगम क्षेत्र अम्बिकापुर (Ambikapur) म सप्ताह म दू दिन अवइया मंगलवार अउ बुधवार के पूर्ण लाकडाउन अउ लाकडाउन म मेडिकल, दूध, फल, राशन दुकान ल छोड़ के आन दुकान ल बंद करे म विचार-विमर्श करे गिस।

लाकडाउन के संबंध म लोगन मन ल सूचित करे बर नगर निगम के तरफ ले माइक रिक्शा म मुनादी कराय ल केहे गिस।