जय जोहार रायपुर…. लॉक डाउन के अवधि म लोग मन ल फल अऊ सब्जी घर बइठे आसानी ले उपलब्ध हो सके, एखर बर मुख्यमंत्री भूपेश बघेल आज अपन निवास कार्यालय म फल-सब्जी आनलाईन डिलीवरी वेबसाइट सीजी हाट के लोकार्पण करिन। ए मऊका म कृषि मंत्री रविंद्र चौबे, स्कूल शिक्षा विभाग के प्रमुख सचिव डॉ. आलोक शुक्ला अऊ मुख्यमंत्री के उप सचिव सौम्या चौरसिया उपस्थित रहिस।
गौरतलब हे कि कोरोना वायरस महामारी के संक्रमण ल रोके बर पूरा देश म लॉक डाउन ल तीन मई तक बर बढ़ा दे गे हे। ए अवधि म फल-सब्जी आदि के दुकान मन ल खुली रखे के अनुमति दे गे हे. फेर भी फिजिकल डिस्टेंसिंग बनाए रखे बर ए अच्छा होही कि फल अऊ सब्जी के घर पहुंच सेवा आनलाईन आर्डर करे म लोग मन ल मिल सके। एखर बर छ्ततीसगढ़ शासन के एजेंसी चिप्स के तरफ ले फल अऊ सब्जी ल घर बइठे आनलाईन आर्डर करे ल अऊ फल अऊ सब्जी के घर पहुंच सेवा दे बर एक आनलाईन पोर्टल बनाए हे, जेला सीजी हाट नाम दे गे हे।
फल-सब्जी खरीदी बर इच्छुक ग्राहक ए पोर्टल म पंजीयन कर अपन पसंद के वेंडर ल आनलाईन आर्डर दे सकत हे। ग्राहक मन बर घलो पंजीयन नि:शुल्क हे। फल अऊ सब्जी के मूल्य ग्राहक मन ल आनलाईन दिखाई परही। 150 रूपिया ले अधिक मूल्य के खरीदी म कोनो डिलीवरी शुल्क घलो नई लगही।
No Comment! Be the first one.