Raipur : तहसील भवन बन जाय म मनखे मन के राजस्व संबंधी काम होही आसान, पढ़व

जय जोहार। (Raipur) मुख्यमंत्री भूपेश बघेल के मंसा के अनुसार प्रदेस म मनखे मन के सुविधा बर नवा जिला, तहसील अउ दूसर राजस्व प्रसासनिक इकाई के गठन करे जात हे । अब मनखे मन ल राजस्व संबंधी काम-काज बर जादा दूर नई जाना पड़ही ओखर गांव के तीर ओखर जमीन, जायदाद, जाति, आय निवास प्रमाण-पत्र समेत राजस्व संबंधी समस्या के निराकरण होय ल लगे हे।

ए कड़ी में रायपुर जिला के मंदिर हसौद म नवा तहसील के गठन हो जाय ले मंदिर हसौद क्षेत्र के राजस्व मामला अब उपतहसील कार्यालय म निराकृत होत हे। मंदिर हसौद म तहसील भवन निर्माण बर स्थानीय विधायक अउ प्रदेस के नगरीय प्रसासन मंत्री डॉ. शिवकुमार डहरिया ह शीघ्र तहसील भवन बनाय बर अनुसंसा करे रिहीन। एखर तहत तहसील भवन बनाय बर 71 लाख 12 हजार के रासि स्वीकृत करे गेहे । तहसील भवन बर रासि स्वीकृत होय म क्षेत्र म खुसी के माहौल हे ।

जनपद पंचायत आरंग के अध्यक्ष खिलेश्वर देवांगन, नगर पंचायत अध्यक्ष मंदिर हसौद ओमप्रकाश यादव, कोमल साहू, दिनेश ठाकुर, रविशंकर धीवर, माखन कुर्रे, अनीता थांनसिंग साहू, गोपाल धीवर, पुरूषोत्तम धीवर ह मंत्री डॉ. डहरिया के प्रति आभार व्यक्त करे हे ।