पीईटी अउ पीपीएचटी प्रवेस परीक्षा स्थगित होए म मुख्यमंत्री बघेल ह ट्वीट कर जताइस खेद

खुशबू सोनी@ जय जोहार. छत्तीसगढ़ म कांग्रेस के सरकार बने के बाद सबले पहिली सरकारी नउकरी उपर बित्त बिभाग ले अनुमति लेय के नांव म रोक लगादे गिस। अउ अब छत्तीसगढ़ व्यावसायिक परीक्षा मंडल ह परदेस के हजारो छात्र मन ले पीईटी अउ पीपीएसटी-2019 के परीक्षा लेय बर पहिली आबेदन मंगवाइस अउ अब सर्वर डाउन होए के गोठ कहि के परिक्षार्थी मन ल प्रवेस पत्र उपलब्ध नइ कराइस। जेकर बाद प्रदेस के युवा बर्ग ह सरकार ले नराज दिखई देत हे। येती प्रदेस के मुखिया ह बीते रात ट्वीट कर लिखिस के पीईटी अउ पीपीएचटी प्रवेस परीक्षा के स्थगित होए ले लइका मन ल होवइ्या परसानी के मोला अहसास हे। मंय सबो लइका अउ उंकर दाई-ददा मन ले  ब्यक्तिगत तउर म खेद ब्यक्त करत हं। येकर बर जिम्मेवार अधिकारी मन ले जवाब तलक करे गे हे। अउ सुनिस्चत करे जाही के भविस्य म अइसन झन होवए।