फूलपाड़ झरना म फोटोशूट करना  मंहगा पड़ गिस दू दोस्त ल

घटना म एक मउत हो गिस, जबके दूसर गंभीर रूप ले घायल

दंतेवाड़ा. जिले 80 फीट ऊंचा फूलपाड़ झरना म फोटोशूट करना गुरूवार के दू दोस्त मन ल भारी पड़गे.  दूनों झरना के बीच बहाव म आवत ही सोझे 80 फीट नीचे जा गिरगे. ए घटना म एक मउत हो गिस, जबके दूसर गंभीर रूप ले घायल हे.

ए घटना कुआकोंडा ले 15 किलोमीटर दूर फूलापड़ के हे.  हां बस्तर अंचल के एक बेहद खूबसूरत झरना हवय. एला देखे बर  दूर-दूर ले पर्यटक आवत हवय. .लेकिन इहां पर्यटन के लिहाज  ले  कोनो सुरक्षा नइए. अउ न हीं सुविधा. अइसे म खतरा मन क बीच इहां अक्सर जिंदगी रहिथे.

शायद जानलेवा खतरा फूलपाड़ म झरना के खूबसूरती ल निहारना अउ ओला कैमरा म कइद करना इंहा पहुंचे तीन दोस्त सुभरनाथ, सनित अउ तामेश्वर  मन ह अंजान रहिन हे.  गीदम ब्लॉक के तुमनार गांव के रहइया तीन दोस्त फूलफाड़ म झरना ल देखे बर पहुँचिन त सोझे  ऊंचाई म जा पहुँचिन. फेर मउत के खतरा मन ले अनजान अउ एक बड़का लापरवाही के संग सुभरनाथ अउ सनित ऊंचाई ले बहत झरना के बीच फोटोशूट बर जा पहुँचिन. दूनों के फोटोशूट करत रहिस हे तीसर दोस्त तामेश्वर.

लेकिन अनहोनी बता के कहां आथे. एखर पहिली के सुभरनाथ अउ सनित खुद ल संभाल पातिन पैर फिसलत ही नीचे जा गिरिन. अउ दूर फोटो खींचत तामेश्वर  दूनों ल बचा पातिस तब तक ओखर सामने उंखर मित्र 80 फीट नीचे गहरा पत्थर मन के बीच रहिगे. तामेश्वर ह तत्काल संजीवनी 108 ल फोन करिन.  संजीवनी एक्सप्रेस मदद बर पहुँचिस घलो. जइसे-तइसे घायल मन ल  एंबुलेस तक लाय गिस. लेकिन अस्पताल पहुँचे के पहिली  रद्दा म सुभरनाथ ह दम तोड़ दिस. जबके गंभीर रूप ले घायल सनित के स्थिति चिंताजनक बने हुए हे.  इलाज अभू जारी हवय.