जय जोहार। जिला रोजगार कार्यालय रईपुर डहार ले 30 मई के प्लेसमेंट कैम्प (placement camp) के आयोजन करे जाही । स्थानीय शिक्षित बेरोजगार युवा मन ल निजी क्षेत्र म रोजगार के अवसर उपलब्ध कराय के उद्देश्य ले पुराना पुलिस मुख्यालय परिसर रईपुर स्थित जिला रोजगार अउ स्वरोजगार मार्गदर्शन केंद्र रईपुर म ये प्लेसमेंट कैम्प आयोजित करे जात हे ।
(placement camp) जिला रोजगार विभाग रईपुर के उप संचालक ह बताइन कि निजी क्षेत्र के नियोजक एनआईबीएफ एडुटेक प्राइवेट लिमिटेड, रोपेन ट्रांसपोर्टेशन सर्विस (रैपिडो) प्राइवेट लिमिटेड अउ करियर के पाठशाला रईपुर डहार ले कस्टमर रिलेशनशिप एक्सीक्यूटीव/ सेल्स ट्रेनी/रिज़नल कॉर्डीनेटर ऑफिसर/बाईक राईडर/कम्प्यूटर ऑपरेटर/टेली ऑपरेटर/ जूनियर अकाउन्टेंट/सीनियर अकाउन्टेंट के 299 ले जादा पद बर न्यूनतम 7000 से 25000 रुपिया मासिक वेतन म बारहवीं/ स्नातक/ डिप्लोमा उत्तीर्ण आवेदक मन के भर्ती करे जाही । वो हा बताइन कि अनुभवी, योग्य अउ इच्छुक आवेदक निर्धारित तिथि अउ स्थान म उपस्थित होके साक्षात्कार प्रक्रिया म सम्मिलित हो सकत हे ।
