Raipur म आज लगही प्लेसमेंट कैम्प, ए पद बर होही भर्ती, पढ़व
जय जोहार। जिला रोजगार अउ स्वरोजगार मार्गदर्शन केन्द्र, रायपुर डहार ले छत्तीसगढ़ राज्य के स्थानीय शिक्षित बेरोजगार युवा ल रोजगार के अवसर उपलब्ध कराए के उद्देश्य ले 13 अप्रैल के जिला रोजगार कार्यालय, पुराना पुलिस मुख्यालय परिसर, रायपुर म बिहनिया 11 बजे ले मंझनिया 2 बजे तक प्लेसमेंट कैम्प आयोजित होही ।
ए प्लेसमेंट कैम्प के माध्यम ले मारूति सुजुकी इंड़िया लिमिटेड (टेक्नोसिम टेनिंग सर्विसेस) डहर ले 18 से 20 बछर के न्यून्तम 50 प्रतिशत अंक के संग 10वीं उत्तीर्ण पुरूष आवेदक के भर्ती ल टेनीज पद म करे जाही । ए पद बर मुफत प्रसिक्षण बर 14,200 रुपिया प्रतिमाह के मानदेय म मारुति सुजुकी के गुरुग्राम (हरियाणा) स्थित प्लांट बर करे जाही।
अइसने विनायक जॉब कन्स्लटेंट, रायपुर डहार ले सिक्योरिटी ऑफिसर अउ गार्ड के 16 पद बर 24 ले 40 बछर के 12वीं अउ स्नातक उत्तीर्ण एक्स सर्विसमैन अथवा कार्यानुभवी आवेदक के भर्ती करे जाही । ए पद बर जादातम 7 लाख रुपिया हरेक बछर के दर ले भुगतान करे जाही । अइसने 10वीं उत्तीर्ण 400 अकुशल श्रमिक के भर्ती जादा तम 1.44 लाख रुपिया हरेक बछर के दर म करे जाही ।
