Raipur : लाईवलीहुड कॉलेज जोरा म 20 सितम्बर के लगही प्लेसमेंट कैंप, 25 पद बर होही साक्षात्कार

जय जोहार। जिला कौशल विकास प्राधिकरण रायपुर (Raipur) डहार ले संकल्प परियोजना के अंतर्गत लाईवलीहुड कॉलेज जोरा म 20 सितम्बर के बिहनिया 11 बजे ले प्लेसमेंट कैंप का आयोजन करे गेहे। ए प्लेसमेंट कैंप म निजी क्षेत्र के प्रतिष्ठान पेस गियर अपेरेल रायपुर अउ ईसाडोरा लाइफ स्टाईल रायपुर डहार ले नियुक्ति बर साक्षात्कार ले जाही । ए संस्थान डहार ले मास्टर टेलर अउ टेलर ट्रेनी के 25 पद बर साक्षात्कार ले जाही ।

सहायक संचालक जिला कौशल विकास प्राधिकरण रायपुर (Raipur) ह बताइन कि रायपुर जिला के युवा जेन 10वीं परीक्षा उत्तीर्ण अउ आयु 21 ले 35 बछर तक हे । अइसे युवा अपन सबो प्रमाण पत्र के मूल अउ सत्यापित प्रतिलिपि के संग प्लेसमेंट कैंप म साक्षात्कार बर उपस्थित हो सकत हे । ये प्लेसमेंट कैंप युवा बर निःसुल्क हे ।

(Raipur) मुख्यमंत्री कौशल विकास योजना या प्रधानमंत्री कौशल विकास योजना अंतर्गत सेल्फ एम्पलायड टेलर अउ सिविंग मशीन ऑपरेटर व्यवसाय म कौशल प्रसिक्षित युवा ल चयन म प्राथमिकता दे जाही। चयनित युवा ल ओखर योग्यता अउ अनुभव के अनुसार प्रतिमाह 8 ले 12 हजार रुपिया के वेतन दे जाही अउ कार्यक्षेत्र रायपुर जिला होही । टेलर ट्रेनी ल प्रसि क्षण अवधि म 6 हजार ले 8 हजार रुपिया के मानदेय दे जाही ।