chhattisgarh: आज ले सुरु होही पौधा तुंहर द्वार कारीकरम, वन मंत्री अकबर ह पौधा के वाहन ल हरी झंडी दिखा के करही रवाना

जय जोहार…. (chhattisgarh) वन अउ जलवायु परिवर्तन विभाग के पौधा तुंहर द्वार कारीकरम के सुरुआत आज ले होही। वन मंत्री मो. अकबर ह मंझनिया 2 बजे अपन सरकारी निवास ले पौधा के वाहन ल हरी झंडी दिखा के रवाना करही।

(chhattisgarh) वन अउ जलवायु परिवर्तन विभाग डहार ले ए सीजन म 2 करोड़ 27 लाख पौधा बांटे के लक्ष्य रखे हे। ए कारीकरम तहत मनखे मन ल घर पंहुचा के पौधा दे जाही।

ऐखर बर विभाग के 275 नर्सरी म 284 प्रजाति के 3 करोड़ 89 लाख पौधा उपलब्ध हे। (chhattisgarh) वन मंडल डहार ले मिले जानकारी के अनुसार पौधा वितरण के लक्ष्य ल तय कर दे गे हे।