जय जोहार…. (Raipur) वन विभाग डहार ले पौधा तुंहर द्वार कार्यक्रम ले रायपुर जिला म द्वार तक पहुंचा के मुफत पौधा ल मनखे मन ल प्रदान करे जावत हे। ए अभियान के तहत 31 जुलाई तक फोन नं- 75870-11614 म व्हाटस ऐप ले पौधा के मांग ल करे जा सकत हे । एला https://www.cgforest.com/ वेबसाइट डहार ले घलो प्राप्त करे जा सकत हे।
जिला वनमंडलाधिकार रईपुर (Raipur) विश्वेष कुमार ह बताइन कि रईपुर नगर निगम म ‘‘पौधा तुंहर द्वार डहार ले मनखे मन ल पौधा प्रदान करे बर 2 बिसेस वाहन लगाए गे हे। अइसने बिरगांव नगर निगम सहरी क्षेत्र म 1 वाहन अउ नवा रईपुर म 1 बिसेस वाहन के व्यवस्था करे गे हे।
(Raipur) अभियान के तहत फलदार पौधा आम, कटहल, जामुन, मुनगा, करौदा, सीता फल, आंवला, बादाम, इमारती अउ छायादार पौधा पीपल, नीम, बरगद, करंज, खम्हार, बैहरा के पौधा मनखे मन ल मुफत म प्रदान करे जावत हे ।
No Comment! Be the first one.