प्रधानमंत्री नरेन्द्र मोदी ला मिलिस यूएई के सर्वोच्च नागरिक सम्मान ‘ऑर्डर ऑफ जायद’
नई दिल्ली। पीएम नरेंद्र मोदी ला यूएई के सर्वोच्च नागरिक सम्मान ऑर्डर ऑफ जायद ले नवाजे गिस। ये सम्मान पाने वाला ओमन पहिली भारतीय प्रधानमंत्री हें। मोदी हा आज सम्मान ले के पहिली यूएई के सासक के संग उच्चस्तरीय वार्ता भी करिन।
मोदी हा यूएई दौरे के दौरान किहिन कि दूनों देस के बीच संबंध लगातार मजबूत होवत हें। पीएम मोदी हा यहू किहिन कि आतंकवाद के खिलाफ लड़ाई म भारत के संग यूएई सदा मजबूती ले खड़े रिहिस। पीएम मोदी आज यूएई ले बहरीन भी रवाना होहीं। उहां प्रधानमंत्री हा एक प्राचीन मंदिर के उद्घाटन करहीं अउ भारतीय समुदाय ला संबोधित करहीं। मोदी हा यूएई के क्राउन प्रिंस मोहम्मद बन जायज अल नाह्यान संग भी मुलाकात करिन।
बता देन कि ये सम्मान राष्ट्र प्रमुख अउ राष्ट्रपति मन ला दिए जाथे। ये सम्मान साल 2007 म रूस के रास्ट्रपति पुतिन, 2016 म महारानी एलिजाबेथ, अउ 2018 म चीनी रास्ट्रपति सी चिनफिंग को मिल चुका है। पीएम मोदी हा पीएम के रूप म दू बार यूएई के दौरा कर चुके हें। उहें शेख मोहम्मद बिन जायेद हा घलो तीन साल म दू बार भारत आ चुके हें।
