पीएम मोदी के 6 अप्रेल के छत्तीसगढ़ म पहिली चुनावी दउरा

रायपुर. प्रधानमंत्री नरेन्द्र मोदी 6 अप्रेल के छत्तीसगढ़ म अपन पहिली  चुनावी दउरा करे बर जात हे.  पीएम मोदी 6 अप्रेल के विशेष विमान ले राजधानी रायपुर पहुंच ही. रायपुर ल फेर हेलीकॉप्टर ले बालोद जाही. बालोद म पीएम मोदी चुनावी सभा ल संबोधित करही.  बालोद म पीएम मोदी के दउरा के तईयारी मन  भाजपा के संग प्रसासन  ह घलो सुरू कर दीस हे. बालोद म चुनावी सभा कर उमन 5 लोकसभा सीट मन ल  एक तरह सोझे तउर म प्रभावित करही.

बालोद कांकेर लोकसभा सीट न आथे. कांकेर लोकसभा क सीमा 4 अन्य लोकसभा सीट ले जुड़त हे.एमा बस्तर, महासमुंद, राजनांदगांव अउ दुर्ग लोकसभा सीट मन के सीमा कांकेर लोकसभा सीट के सीमा ले जुड़थे. लिहाजा भाजपा पीएम मोदी के कार्यक्रम बालोद म कराय गेहे.

बालोद म ही हो सकत प्रियंका या राहुल गांधी के दऊरा

पीएम मोदी के चुनावी रईली के बात बताय जात हे के, इहां प्रियंका या राहुल गांधी के घलो दउरा हो सकत हे. हालांकि फिलहाल येमा कांग्रेसी मन  कुछु नई कहत हे. लेकिन संभावना ये बात ल  लेके जियादा हे के  बालोद म प्रियंका या राहुल म ले कोनो न कोनो नेता इहां चुनावी सभा ल संबोधित कर सकत हे. बालोद अन्य लोकसभा सीट मन बर  सेंटर होय के वजह ले येखर आसार जादा हे.  वइसे भी कांकेर लोकसभा के सबो 8 सीट मन म कांग्रेस के कब्जा हे. संगेच महासमुंद, दुर्ग अउ राजनांदगांव के सीमावर्ती सीट मन धलो कांग्रेस के कब्जा हे, लिहाजा ये इलाका कांग्रेस राहुल के जरिए व्यापक माहऊल बनाना चाहत हे.