संविलियन अउ नियमितीकरन म चिंता जताईस डॉ रमन

कहिन, सरकार के तीर नइए पइसा..
रायपुर. प्रदेस के पूर्व मुख्यमंत्री डॉ रमन सिंह ह कहिन के, सरकार लगातार कर्ज लेवत हवय, कर्ज अतना हे के आवइया  बेरा म वित्तिय संस्था मन सरकार ल कर्ज नई देवय. हमन राज्य ल फायनेंशियल रूप ले मजबूत बनाय कांग्रेस के सरकार एला कमजोर करे म लगे हे.

रमन ह कहिन के, राज्य सरकार के तीर पइसा नईए. कोषालय मन के सर्वर कतको दिन ले डाउन हे. एला उमन बहाना बतात हुए कहिन के, ये जानबूझ के कमी छुपाए बर करे जात हे . विधायक मन ल घलो वेतन नइ मिलिस। पेंसन नई मिलत हे.
उमन कहिन के, सिक्षाकर्मी मन ल जिहां रेगुलर करे जाना हे. उमन के का होही, नियमितीकरन के घलो वादा करे गिस हे. ये बात मन म राज्य म पइसा के कमी के हवाला देवत हुए पूर्व सीएम ह चिंता जाहिर करिन.

गलत बयान देय जात हे: भूपेश
दूसर कोती कांग्रेस ये बात म के खंडन कर चुके हे. खुद सीएम भूपेश बघेल ह कहिन के गलत बयान देय जात हे. कर्ज लेवईया वाले बात म उमन हाल ही म होय एक कार्यक्रम म कहिन के, कर्ज किसान मन अउ मजदूर मन बर लेय गेहे, पाछू सरकार के तरह कमीशन खोरी बर नोहे.