रायपुर. लोकसभा चुनाव 2019 म छत्तीसगढ़ के बीजेपी प्रत्याशी मन के पक्ष म प्रचार करे बर प्रधानमंत्री मंगलवार के कोरबा पहुंचे रिहिस हे. कोरबा म आमसभा ल संबोधित करत हुए पीएम मोदी ह कांग्रेस उपर जमके निसाना साधिस. संगेच ही सूबा के बाहुल्य मतदाता वर्ग साहू समाज ल बीजेपी के पक्ष म साधे बर प्रधानमंत्री नरेन्द्र मोदी ह एक लाइन म बोलिस. पीएम मोदी के ये लाइन प्रदेस म साहू समाज ल साधे बर मास्टर स्ट्रोक माने जात हे.
पीएम नरेन्द्र मोदी ह कोरबा म सभा ल संबोधित करत हुए कांग्रेस के ओ बायान म पलटवार करिन, जेमा कांग्रेस अध्यक्ष राहुल गांधी ह कहे रिहिस के, हर चोर मोदी काबर होथे. नरेन्द्र मोदी ह कहिन के, वो कहत हे के हर मोदी चोर होथे. छत्तीसगढ़ म जे जाति ल साहू समाज कहे जाथे, उहीं जाति ल गुजरात म मोदी कहे जाथे. त का सबो साहू समाज के लोगन चोर हवय. का उमन ल अइसन भाखा के प्रयोग करना चाही.
बता देवन के छत्तीसगढ़ म करीब 55 लाख साहू हे. ये प्रदेस म बड़का मतदाता वर्ग हे. अइसे म पीएम मोदी के ये लाइन बीजेपी के पक्ष म माहउल बनाय बर मास्टर स्ट्रोक साबित हो सकत हे. पीएम नरेन्द्र मोदी ह कोरबा संसदीय क्षेत्र के प्रत्यासी ज्योतिनंद दुबे, सरगुजा संसदीय क्षेत्र के प्रत्याशी रेणुका सिंह अउ रायगढ़ के प्रत्याशी गोमती साय के पक्ष म प्रचार करे बर कोरबा पहुंचे रिहिस हे.
ओरछा (अबूझमाड़) म खुलिस पहिली दवई के दुकान
भूपेश सरकार उपर बड़का आरोप लगाइस PM मोदी ह
