आज जगदलपुर आ ही पीएम नरेन्द्र मोदी ह, रूकही 5 मिनट

5 मिनट रुके के बाद सेना के हेलीकॉप्टर ले ओडिशा जा ही
जगदलपुर. प्रधानमंत्री नरेंद्र मोदी 29 मार्च के अपन विशेष विमान म दिल्ली ले जगदलपुर आ ही. जगदलपुर म 5 मिनट रुके के बाद सेना के हेलीकॉप्टर ले ओडिशा म कार्यकर्ता सम्मेलन म सामिल होए  बर जा ही. ये जानकारी पूर्व मंत्री केदार कश्यप ह दीस हे. केदार कश्यप ह कहिन के, समय कम होए के कारन प्रधानमंत्री कुछु चुनिंदा लोगन ले ही एयरपोर्ट म मुलाकात करही.

शुक्रवार के प्रधानमंत्री नरेंद्र मोदी कुछु मिनट मन बर छत्तीसगढ़ के बस्तर पहुंचइया हे. नरेंद्र मोदी ट्रांजिट विजिट म बस्तर पहुंच ही. दिल्ली ले विशेष विमान ले पीएम मोदी जगदलपुर हवाई अड्डे म पहुंच ही. जेखर बाद मोदी हेलीकॉप्टर ले ओडिशा के जैपुर बर रवाना हो जाही. जिहां पीएम मोदी जनसभा ल संबोधित करही. एखर बाद पीएम मोदी हेलीकॉप्टर ले जगदलपुर एयरपोर्ट वापिस लउटके विशेष विमान ले हैदराबाद बर रवाना हो जाही.