डीआरजी के जवान अउ नक्सली के बीच मुठभेड़, नक्सली मन मनावत हे शहीदी सप्ताह

दंतेवाड़ा। जिला के मारजुम के जंगल म पुलिस अउ नक्सली के बीच मुठभेड़ चलत हे। जानकारी मिले हवय कि आज ले ही नक्सलियों के शहीदी सप्ताह शुरू होय हे, जेन ह 3 अगस्त तक चलही।

बतात हे कि लगभग 30 नक्सली शहीद सप्ताह मनाए बर इकट‌्ठा होय रिहिस हे। इही दउरान नक्सली के कैम्प लगाए के सूचना म ऑपरेशन बर डीआरजी के टीम ह निकले रहीस। नक्सली मन पुलिस उपर फायरिंग शुरु कर दिस, जेखर बाद जवान मन जवाबी फायरिंग करिन ताहन नक्सली  मन जंगल म भागे ल लग के। दंतेवाड़ा एसपी अभिषेक पल्लव ह ये बात के पुष्टि करिन हे। ये पूरा मामला कटेकल्याण थाना इलाका के हरे। ज्ञात हो कि नक्सली मन शहीदी सप्ताह मनात बैनर अउ पोस्टर घलो लगाए हे।