पुलिस ह डीकेएस अस्पताल म खंगालिस  दस्तावेज मन ल

रायपुर. डीकेएस अस्पताल म होए कथित घोटाला के मामला म अस्पताल के पूर्व अधीक्षक डॉ. पुनीत गुप्ता के खेलाफ  दर्ज एफआईआर के बाद पुलिस के जांच तेज हो गिस हे. शनिवार ल पुलिस टीम ह डीकेएस अस्पताल पहुंच के करीबन 6 घंटा तक जांच करिन.  अउ फाइल, दस्तावेज समेत कम्प्यूटर हार्डडिस्क जब्त करिन. जांच टीम ह विभिन्न समिति मन म सामिल करीब आधा दर्जन डॉक्टर मन अउ कई बाहिरी  वेंडर्स ले घलो पूछताछ करिस हे.