jagdalpur: दू आरोपी कोरोना पाजिटिव मिले के बाद थाना परपा हो गे सील
जय जोहार…. (jagdalpur) दू आरोपी ह कोरोना पाजिटिव पाय जाय के बाद थाना परपा (फ्रेजरपुर) ल अवइया आदेश तक सील कर दे गे हे।
ए थाना के कार्य ह अब थाना सिटी कोतवाली जगदलपुर ले संपादित करे जाही। मिले जानकारी के मुताबिक विगत तीन दिन पहिले ग्रामीण थाना इलाका के धनियालूर इलाका म पुलिस ह रेड डाल के पांच जुआरी मन ल पकड़े रिहिस।
एमा ले एक जुआरी के बोधघाट थाना ल तलाश रिहिस। पुलिस ह आरोपी के खिलाफ दर्ज मामला ल देखत हुये ओला कोर्ट म पेश करे रिहिस, लेकिन सोमवार के आरोपी के कोरोना रिपोर्ट पाजिटिव आय हे।
आरोपी के कोरोना पाजिटिव मिले के बाद परपा थाना के लगभग चार दर्जन स्टाफ ल होम आइसोलेशन म भेज दे गे हे।
(jagdalpur) ऊहचे सबो के सैंपल ले के ओला जांच बर भेजे के तैयारी करे जावत हे। ए जुआरी ल बोधघाट थाना घलो ले जाय गे रिहिस।
जिहां ले आरोपी ल कोर्ट म पेश करे गे रिहिस। कोर्ट म पेशी के दौरान जेन लोगन मन ह घलो ओखर संपर्क म आय हे। ओ सबो के पहचान करे जावत हे।
पुलिस अधीक्षक के अनुसार आरोपी जुआरी के संपर्क म आय पुलिस कर्मी मन के कोरोना टेस्ट रिपोर्ट के इंतजार हे। अगर अइसे कोनो स्थिति आवत हे, त पास के थाना ले कामकाज करे जाही।
बता देन कि जेन पुलिसकर्मी मन के सैंपल ल कोरोना टेस्ट बर भेजे गे हे, ओ मन ल रिपोर्ट बर दू दिन इंतजार करे ल पड़ही।
(jagdalpur) डिमरापाल मेडिकल कालेज के माइक्रोबायोलजी विभाग के लैब टेक्नीशियन म कोरोना संक्रमण के लक्षण पाय गे हे। ए लैब टेक्नीशियन ह दू दिन पहिले कांकेर ले लहुटे हे।
लैब टेक्नीशियन के जांच रिपोर्ट म ओखर कोरोना पाजिटिव होय के पुष्टि होइस। जेखर बाद माइक्रोबायोलजी विभाग ल एहतियान दू दिन बर बंद कर दे गे हे।
