नवा लुक म सामने आही कॉमेडी किंग प्रदीप शर्मा , मिस्टर मजनू म करत हे अभिनय

जय जोहार रायपुर… हास्य अभिनेता अऊ मंजे हुए कलाकार प्रदीप शर्मा ह एक बार फेर अपन अभिनय के जलवा देखाही , फिलिम के नाम आय मिस्टर मजनू अऊ एखर निर्देशक हे उत्तम तिवारी,

सुंदरानी फिल्म्स म बनत ये फिलिम म सुपर स्टार मन कुरैशी हे संग म हास्य अभिनेता प्रदीप शर्मा घलो हे , ये फिलिम के शूटिंग सरलगहा चलत हे अऊ जल्द ही एला प्रदर्शन करे के तैयारी हे ,

निर्देशक उत्तम तिवारी ह किहिस कि ये बार कलाकार चयन बारीकी ले करे गे हे अऊ सब्बो कलाकार मन बने मेहनत करत हे , ये फिलिम जरूर सफल होही ,

बता दन कि उत्तम तिवारी ह एखर पहिली मितान ४२० ,आई लव यू अऊ आई लव यू २ घलो निर्देशित करे हे जेला दर्शक मन के प्यार घलो मिले हे.