प्रधानमंत्री आवास योजना, पक्का मकान बने ले सुशीला के सपना होइस पूरा

रायपुर। महल हो या झोपड़ी, अपन घर अपन होथे, हर व्यक्ति के एक सपना होथे कि छांव बर उसका एकठन खुद के घर हो। इही सपना ल सरकार ह साकार करत हे। समाज के आर्थिक रूप ले कमजोर तबका के भलाई बर सरकार ह प्रधानमंत्री आवास योजना संचालित करत हे। ए योजना ले जरूरत मंद लोगन मन के आवास घलो स्वीकृत करे जात हे।

प्रधानमंत्री आवास योजना (शहरी) ले जिला के गरीब परिवार मन के सपना पूरा होवत हे। अइसने ही कांकेर के जनकपुर वार्ड क्रमांक-20 निवासी सुशीला बाई यादव के पक्का मकान बनाए के सपना पूरा होइस अउ कच्चा मकान म होवइया परेशानी मन ले मुक्ति मिलत। अब उखर स्वयं के मकान बनाए के सपना पूरा होइस, अब ओ अउ उखर परिवार पक्का मकान म सुकून ले रहते हे।

यादव ह बतायिन कि उखर दु लइका हें, उखर जिम्मेदारी मोर ऊपर हे अउ पति के देहांत हो चुके हे। पति के मृत्यु के बाद परिवार के भरण-पोषण करे म कतको प्रकार के कठिनाई के सामना करना पड़थे। अपन परिवार के जीवन-यापन बर ओ प्राईवेट अस्पताल म साफ-सफाई के कार्य करत हे, जेखर ले ओला 6 हजार रूपया प्रतिमाह पारिश्रमिक मिलथे। ओमन ह बतायिन कि पूर्व म उखर परिवार कच्चा मकान म रहत रहिन, कच्चे मकान म रहना बहुत मुश्किल होगे रहिस। उखर निवास पहाड़ के तीर होए ले जीव-जन्तु अउ जंगली जानवर मन के खतरा बने रहिन अउ बरसात के मौसम म छप्पर अउ दीवार म रिसाव ले पानी घलो टपकथे। ओमन ह बतायिन कि तब नगरपालिका के प्रधानमंत्री आवास वाला सर्वेयर अउ कर्मचारी मन ह प्रधानमंत्री आवास योजना के बारे म जानकारी दिस। संग प्रधानमंत्री आवास योजना बर फार्म भरवाके मोर आवास स्वीकृत कराए गिस।

आवास स्वीकृत होए के बाद मकान निर्माण ले लेके पूर्ण होए तक नगरपालिका के अधिकारी अउ कर्मचारी मन ह पूर्ण रूप ले सहयोग प्रदान करे गिस। ओमन ह बतायिन कि- अब पक्का मकान बन गे हे, मकान बने के बाद मोर लइका मन के भविष्य के सबले बड़ी चिंता दूर हो गे हे। मे कभु सपना म नई सोचे रेहेव कि में कभु जीवन म पक्का मकान बना घलो पांहु। पक्का आवास बने ले मोर परिवार बड़ खुश हे अउ सुरक्षित महसूस करत हें अउ जीवन बहुत अच्छा ले गुजरत हे। एखर बर ओमन ह प्रधानमंत्री ह नरेन्द्र मोदी अउ मुख्यमंत्री विष्णुदेव साय के आभार व्यक्त करत कहिन कि ओमिन जइसन बेसहारा के सहारा बन गे हे प्रधानमंत्री आवास योजना।