हजारों कबीर पंथी मन संग आधा रात तक सड़क म बइठिन प्रकाश मुनि नाम साहेब, हाईवे म मेगा जाम

रायपुर। सरकारी स्कूल मन म मध्यान्ह भोजन म अंडा परोसे जाए के फैसला के विरोध म मंगलवार के देर रात कबीरपंथ के धर्मगुरु प्रकाश मुनि साहेब हा अपन समर्थक मन के संग रायपुर-बिलासपुर हाईवे दामाखेड़ा म धरना म बइठ गें।

एकर कारण नेशनल हाइवे म आधा रात के बाद तक चक्का जाम के स्थिति रिहिस। कई किलोमीटर तक सड़क के दूनों तरफ वाहन मन के कतार लग गे रिहिस।

प्रशासन कोती ले चर्चा के प्रयास किए जात रिहिस, फेर कोई निर्णय नई हो सकिस। एकर ले पहिली ये मुद्दा विधानसभा म भी उठिस। विपक्ष के विधायक मन ये आदेश ला वापिस लिए के मांग करिन। एकर बाद स्कूल शिक्षा विभाग हा शाम के एक आदेश जारी करके स्पष्टीकरण दिस।

एमा केहे गे हे कि अंडा खाने वाला अए नई खाना बच्चा मन बर अलग-अलग बैठक व्यवस्था करे जाही। जेन मन बच्चा स्कूल म नई खाना चाहंय ओमन ला घर पहुंचा के अंडा दिए जाही।

विरोध के बाद सरकार हा बदलिस योजना : अंडा वितरण योजना ला लेके कुछ समाज मन के नाराजगी ला देख के राज्य सरकार हा एमा बदलाव करे हे। स्कूल म ओ बच्चा मन के पहिचान करे जाही जेमन अंडा नई खाना चाहय।

मध्याह्न भोजन बनाए के समय अंडा अलग से उबाले जाही। जेन बच्चा मन ला अंडा खाना होगा, उंकर अलग से लाइन बनाके वितरण करे जाही। ये प्रयास करे जाही कि स्कूल विकास समिति के माध्यम ले बच्चा मन ला घर पहुंचा के अंडा खाने बर दिए जाए।

सरकार के तरफ ले मंगलवार के कलेक्टर मन ला पत्र जारी कर दे गिस। अवइया दू सप्ताह म शाला विकास समिति अउ पालक मन के बैठक शाला स्तर म होही। एमा अइसे छात्र-छात्रा मन ला चिन्हित करे जाही जेमन मध्यान्ह भोजन म अंडा नई खाना चाहंय।

शाकाहारी बच्च मन ला अउ दूसर प्रोटीनयुक्त खाद्य पदार्थ मिलहीं : शाकाहारी बच्चा मन ला अउ दूसर प्रोटीनयुक्त खाद्य पदार्थ परोसे जाहीं। एमा सुगंधित सोया दूध, सुगंधित मिल्क, प्रोटीन क्रंच, फोर्टिफाइड बिस्किट, फोर्टिफाइड सोयाबड़ी, सोया मूंग फल्ली चिकी, सोया पापड़, फोर्टिफाइड दाल आदि शामिल करे जाही।