कोरोना काल म प्रेस क्लब ह बढ़ाये हे मदद के हाथ, जरूरतमंद प्रेसकर्मी मन ल वितरित करिन सूखा राशन

जय जोहार…. लॉकडाउन ह हर वर्ग ल परेशानी म डाल दे हे। कोरोना के असर ह प्रेस कर्मी मन के जीविका म घलो पड़े हे। संकट के ए घड़ी म प्रेस क्लब ह अपन भूमिका अदा करे हे। आज प्रेस क्लब अध्यक्ष ह जरूरतमंद प्रेसकर्मी मन ल सूखा राशन वितरित करिस। बता देन कि ए पैकेट म चांवल, दाल, आलू अऊ प्याज सम्मिलित हे।

ए मऊका म प्रेस क्लब अध्यक्ष दामु आम्बाडारे ह बताइस कि प्रेस क्लब ह अपन सदस्य मन के मदद बर हमेशा तत्पर हे। स्वास्थ्य ल लेके आवास जैसा सुविधा ल सदस्य मन ल उपलब्ध कराये बर प्रयास जारी हे। ए कार्यक्रम म शगुफ्ता शिरीन, कौशल तिवारी, शिव दत्ता आदि उपस्थित रहिस।