मोला राजा भैय्या के हिस्सा बने म गर्व हे , ज्योति कश्यप

दीपक बावनकर@रायपुर अवैय्या 28 अक्टूबर के रिलीज होवैय्या छत्तीसगढ़ी फिल्म राजा भैय्या म अभिनेत्री ज्योति कश्यप ह घलो छोटे से रोल करे हे , ये रोल मिले के बारे में बतात हुए ज्योति ह किहिस कि जब में ह निर्देशक इरफ़ान खान ले बात करेंव त फिलिम के सब्बो कलाकार मन के चयन हो गे रिहिस.

लेकिन इरफ़ान सर ह बोलिस कि देख के बतात हंव अऊ मोला फोन करके बुला के या रोल दिस ,एमा मोर अपोजिट जाने माने हास्य अभिनेता हेमलाल कौशल हावे . ज्योति ह किहिस कि ये मोर बर गर्व के बात हे कि में ह सुपर स्टार अनुज शर्मा जैसे कलाकार अऊ अतना अच्छा निर्देशक के साथ काम करे हंव . बता दन कि राजा भैय्या 28 अक्टूबर के रिलीज होवत हे .