पार्सद मन चुनही अब महापौर.. चलत हे तियारी.. सीएम बघेल ह दिन संकेत

रायपुर।  भूपेश सरकार ह महापौर के चुनई ल अप्रत्यक्ष प्रणाली म करे के तियारी करत हे। एखर बर सरकार ह मंत्री मंडल के उपसमिति के गठन घलो कर दे हे। उपसमिति के रिपोर्ट मिले के बाद नगरीय निकाय एक्ट म बदलाव करे जाए के बात कहे जात हे। फेर ए हो जही त पहिली जनता ले महापौर चुनई बर वोट के अधिकार छिन जही अऊ ए अधिकार पार्षद मन ल मिल जही।

हमर छत्तीसगढ़ के मुखिया भूपेश बघेल ह पत्रकार मन ले चर्च के दऊरान ए गोठ ल कहे हे कि अप्रत्यक्ष प्रणाली ले महापौर के चुनई म काए खराबी हे। पार्षद मन महापौर के चुनाव ल करथे त एमे गलत का हे, एखर ले अऊ बेहतर समन्वय ले बुता होही।