Raipur : पीआरआरसी सेंटर ह दिव्यांग मन ल देवत हे नवा जीवन, पढ़व

जय जोहार । राजधानी रायपुर म अत्याधुनिक पुनर्वास केन्द्र (फिजिकल रेफरल रिहैबिलिटेशन सेन्टर) ह हजारो दिव्यांग व्यक्ति ल नवा जीवन देवत हे । ए पुनर्वास केन्द्र म छत्तीसगढ़ के संग ही आसपास के प्रदेस ले घलो मनखे ह कृत्रिम अंग बनवाए बर आवत हे । पुनर्वास केन्द्र इंटरनेशनल कमिटी ऑफ रेडक्रॉस (आईसीआरसी) के सहयोग ले दिव्यांग ल मुफत कृत्रिम अंग बनाके दे के संग ओमन ल अंग संचालन अउ संतुलन के ट्रेनिंग घलो दे जात हे ।

पुनर्वास केन्द्र म सेरिब्रल पाल्सी (प्रमस्तिष्क घात) ले पीड़ित मरीज के पुनर्वास म विशेष उपकरण बनाए जावत हे। अइसे मरीज ल चले-फिरे म संतुलन के कमी होत हे, ओमान ल मुफत व्हील चेयर अउ सिटिंग चेयर तईयार करके दे जात हे । एखर आलावा इंहा कृत्रिम हाथ-पैर, कैलिपर्स अउ सहायक उपकरण घलो मरीज मन के जरूरत के हिसाब ले बनाके दे जात हे । अब तक ए केन्द्र के माध्यम ले 3 हजार 740 मरीज ल 5 हजार 258 कृत्रिम अंग अउ सहायक उपकरण ले लाभान्वित करे जा चुके हे । विगत मार्च महीना म 10 जिला के हितग्राही मन ल 32 कृत्रिम उपकरण तईयार कर प्रदान करे गेहे ।

उल्लेखनीय हे कि दिव्यांगजन अधिकार अधिनियम, 2016 के प्रावधान के तहत राज्य के दिव्यांग व्यक्ति ल अत्याधुनिक कृत्रिम अंग अउ सहायक उपकरण मुफत प्रदाय करे बर समाज कल्याण विभाग डहार ले फिजिकल रिफरल रिहैबिलिटेशन सेन्टर के स्थापना करे गेहे ।