chhattisgarh : समर्थन मूल्य म 16.73 लाख मीट्रिक टन धान के होइन खरीदी, पढ़व
जय जोहार। (chhattisgarh) राज्य म किसान मन ले समर्थन मूल्य म धान खरीदी के सिलसिला ह जारी हे । 25 नवंबर तक किसान मन ले 16 लाख 73 हजार 370 मीट्रिक टन धान के उपार्जन ल करे गेहे, जेखर एवज म किसान मन ल 34 करोड़ 81 लाख 65 हजार रुपिया के भुगतान घलो बैंक लिकिंग व्यवस्था के तहत करे जा चुके हे।
समर्थन मूल्य म धान खरीदे बर ए बछर (chhattisgarh) राज्य सरकार डहार ले किसान मन ल ऑनलाइन टोकन जारी करे के व्यवस्था के सेती सहूलियत होय ल लगीन हे । बड़का संख्या म किसान टोकन तुंहर हाथ एप के माध्यम ले धान बेचे बर अपन मर्जी के मुताबिक तिथि के चयन करे ल लगे हे । एखर संग उपार्जन केन्द्र डहार ले मैन्युअल रूप ले किसान मन ल टोकन जारी करे के व्यवस्था जारी हे ।
खाद्य सचिव टी.के. वर्मा ह बताइन कि ए बछर (chhattisgarh) राज्य म समर्थन मूल्य म धान बेचे बर राज्य म 25.92 लाख किसान मन के पंजीयन होए हे , जेमा लगभग 2.23 लाख नवा किसान हे । राज्य म धान खरीदी बर 2568 उपार्जन केन्द्र बनाए गेहे । सामान्य धान 2040 रुपिया प्रति क्विंटल अउ ग्रेड-ए धान 2060 रुपिया प्रति क्विंटल के दर ले खरीदे जात हे।
