जय जोहार । छत्तीसगढ़ (chhattisgarh ) म धान खरीदी के महाभियान सरलग जारी हे । ये अभियान 31 जनवरी 2023 तक चलही । प्रदेस म समर्थन मूल्य म किसान मन ले अब तक 73.48 लाख मीट्रिक टन धान के खरीदी करे गेहे । धान खरीदी के एवज म राज्य के 17.95 लाख किसान मन ले लगभग 15,205 करोड़ रुपिया के भुगतान ल बैंक लिंकिंग व्यवस्था के तहत करे गेहे ।
ए बछर घलो धान खरीदी के संगेसंग कस्टम मिलिंग बर सरलग धान के उठाव जारी हे । अब तक 58.20 लाख मीट्रिक टन धान के उठाव बर डीओ जारी करे गेहे , जेखर विरूद्ध मिलर्स डहार ले 47.19 लाख मीट्रिक टन धान के उठाव करे गेहे । अधिकारी मन ह बताइन कि आज 27 दिसम्बर के 39 हजार 906 किसान मन ले 1.52 लाख मीट्रिक टन धान के खरीदी करे गेहे । एखर अलावा ऑनलाइन प्राप्त टोकन ले किसान मन ले लगभग 30 हजार 523 टन धान के घलो खरीदी होए हे । अवइया दिवस के धान खरीदी बर 45 हजार 577 टोकन अउ ”टोकन तुंहर हाथ एप” के जरिये लगभग 8 हजार 740 टोकन ऑनलाइन जारी करे गेहे ।
गौरतलब हे कि ए बछर राज्य म 25.92 लाख किसान मन के पंजीयन होए हे , जेमा ले लगभग 2.26 लाख नवा किसान सामिल हे । राज्य म धान खरीदी बर 2600 उपार्जन केन्द्र बनाए गेहे । सामान्य धान 2040 रुपिया प्रति क्विंटल रुपिया ग्रेड-ए धान 2060 रुपिया प्रति क्विंटल के दर ले खरीदे जात हे ।
Other Articles
CM Bhupesh Baghel ह आज विधानसभा क्षेत्र बेमेतरा के दउरा म , पढ़व
CM Bhupesh Baghel ह पंडित सुंदरलाल शर्मा के पुण्यतिथि म करीन याद
No Comment! Be the first one.