झाँसी के रानी लक्ष्मी बाई जइसन हिम्मत वाली बनबो…आत्मरक्षा शिविर म किहिन नोनी मन

रानी लक्ष्मी बाई जयंती के अवसर म अखिल भारतीय विद्यार्थी परिषद धमतरी  द्वारा आयोजित आत्मरक्षा शिविर मिशन साहसी के समापन अउ महाप्रदर्शन कार्यक्रम के आयोजन इंडोर स्टेडियम आमा तालाब में करे गिस।

ए समारोह म मुख्य अतिथि के रूप म उपस्थित धमतरी जिला के एएसपी मनीषा ठाकुर ह किहिस की एबीवीपी के सोच ह जरूर विद्यालय अउ महाविद्यालय के छात्रा मन के विकास बर काम करहि। छात्रा मन रोज सुबह ले शाम तक काम करे बर सक्षम होहि। लेकिन ओखर मन बर सुरक्षित वातावरण बनाये ला पड़ही।

जनपद अध्यक्ष प्रियंका सिन्हा ह किहिस की रानी लक्ष्मीबाई ला असल श्रद्धांजलि तभे मिलहि,जब जम्मो देश के छात्रा मन सुरक्षित होहि। ए कार्यक्रम म बड़े संख्या में धमतरी के स्कूल के छात्रा मन उपस्थित रिहिस।

ए अवसर म ओमकुमारी, डिगेश्वरी, पूजा, लीशा, रुपाली सोनी, सोनाली, निशा , मनीषा, नीलिमा, योगिता अउ एबीवीपी के कार्यकर्ता मन उपस्थित रिहिस। कार्यक्रम म छत्तीसगढ़ आइडल संदीप राव का नारी सशक्तिकरण के ऊपर कार्यक्रम प्रस्तुत करिन, अउ केवी एकेडमी के छात्र मन सांस्कृतिक कार्यक्रम दिस।