रबी फसल मन के नुकसान म किसान मन ल मिलही मुआवजा…राज्य सरकार

जय जोहार रायपुर…  राज्य सरकार ह प्रदेश म बेमौसम बारिश अउ ओलावृष्टि ले रबी की फसल मन ल होइस नुकसान के रिपोर्ट सबो जिला मन ले मांगिस हे। राजस्व विभाग ए संबंध म सबो जिला कलेक्टर मन ल परिपत्र भेज के फसल क्षति के आकलन एक सप्ताह के भीतर करे के निर्देश दे हे। बेमौसम बारिश ले किसान मन के फसल क्षति 33 प्रतिशत ले अधिक होए म राजस्व पुस्तक परिपत्र 6-4 के प्रावधान मन के तहत प्रभावित किसान मन ल आर्थिक अनुदान सहायता उपलब्ध कराय बर कहिन हे।

आधिकारिक जानकारी के मुताबिक राज्य शासन ह राजस्व पुस्तक परिपत्र 6-4 के प्रावधान मन के तहत प्राकृतिक आपदा मन ले प्रभावित किसान मन ल अनुदान सहायता प्रदान करे बर सबो जिला मन ल पहिली ले करीब 140 करोड़ रूपिया की राशि का आवंटन जारी कर दे हे। ए राशि ले बेमौसम बारिश ले रबी फसल मन ल होइस नुकसान के आंकलन अउ सर्वे कर के प्रभावित किसान मन ल क्षतिपूर्ति के राशि प्रदान करे बर निर्देश दे गे हे।